ЦХИНВАЛ, 26 фев — Sputnik. Цӕгат Ирыстоны ӕппæтадæмон аэропорт "Дзæуджыхъæу" уæрæхдæр кæны йæ географи – авиакомпани "Азимут"-ӕй комкоммӕ атӕхӕн уыдзӕн Сочимæ, Ростовмæ æмæ Краснодармæ, хъусын кӕны ПТРК "Алания".
Ног маршруттæн субсидиты хуызы Цæгат Ирыстон регионалон бюджетæй радих кодта 12 милуан сомы.
"Уæларвон транспорты дарддæры рæзт, æмæ æмгуыстады фарстатыл РЦИ-А сæргълæууæг Битарты Вячеслав æрныхас кодта компанийы директорты Советы сæрдар Павел Удодимæ. Рагагъоммæ ацы хъуыддагыл ныхас цыд Сочийы уæрæсейаг инвестицион форумы рæстæджы", - фыссы сайт.
Хъусинаджы дзырдӕуы, ацы ногдзинад Цæгат Ирыстонæн фадат дæтты бизнесы æмæ туристон къабазы рæзтæн. Авиакомпанийы ныфс дӕттынц, билетты æргътæ зынаргъ нæ уыдзысты.