ЦХИНВАЛ, 27 фев – Sputnik. Цӕгат Ирыстоны рухс федта ирон ӕвзагыл ахуырадон мультипликацион ныв "Мæ фидар фыд"-ы 6-æм сери, ӕдӕппӕтӕй проекты фӕлгӕтты уыдзæн 30 серийы, хъусын кӕны ПТРК "Алания".
Проекты разамонæг æмæ автор Сæлбиты Алан куыд зӕгъы, афтæмæй радон рауагъды сæхи бафæлвæрдтой Никита Старченко æмæ æрыгон зарæггæнæг Гаглойты Ирлан.
Анимацион роликы гыццыл лæппу зары, йæ тыхджын фыдæй йæ сæр бæрзæндты кæй хæссы, ууыл. Тырны, цæмæй уа йæ кадджын фыды хуызæн.
Уæ зæрдыл уын лæууын кæнæм, проекты фæлгæтты æдæппæтæй уыдзæн 30 серийы. Амæй размæ уал дзы рацыдысты "Уæрдон тулы", "Тæппуд цуанон", "Адджын фынтæ", "Ног аз" æмæ "Æххормаг мыст".