Хуссар Иры райстой паддзахадон тырысайы фӕдыл закон

Тырысайы фӕдыл уагӕвӕрд нӕ дзуапп кодта республикӕйы Конституцийы домӕнтӕн
Sputnik

ЦХИНВАЛ, 27 фев — Sputnik, Козаты Диана. Хуссар Ирыстоны парламент цыппӕрӕмы райста республикӕйы паддзахадон тырысайы фӕдыл закон. Законы проекты фӕдыл хъӕппӕрис бахаста Ныхас партийӕ депутат Бесаты Зита.

Уæлахизы юбилеймæ: Абхазы тырыса "схызт" Зилгӕ-хохмæ

Абоны боны онг республикӕйы уыд паддзахадон тырысайы фӕдыл уагӕвӕрд, кӕцы сфидар кодта Уӕлдӕр Совет 1992 азы. Ахӕм уагӕвӕрд нӕ дзуапп кодта Конституцийы домӕнтӕн.

"Законы проектыл куысты рӕстӕджы хыгъдмӕ райстам депутатты фӕндонтӕ", - загъта парламенты законад ӕмӕ бынӕттон хӕдразамынады фӕдыл комитеты сӕрдар Тедеты Нона.

Депутаттӕ ӕмхъӕлӕсӕй райстой закон.