ЦХИНВАЛ, 5 мар – Sputnik. Хуссар Ирыстоны президент радта дипломатон ранг республикӕйы делагацийы сӕргълӕууӕгӕн Инциденттӕ ма ӕруадзыны ӕмӕ сӕ аиуварс кӕныны фӕдыл механизмты (ИӔАМ) форматы фембӕлдты Коцты Егорӕн, хъусын кӕны паддзахады сӕргълӕууӕджы пресс-службӕ.
"Раттын дипломатон ранг Республикӕ Хуссар Ирыстоны Президенты Ӕххӕстбарджын минӕвары хӕдивӕг Коцты Егорӕн", - дзырдӕуы президенты барамынды.
Коцты Егор нысангонд æрцыд президенты ӕххӕстбарджын минӕвары хӕдивӕг ӕмӕ хуссарирыстойнаг делагацийы разамонӕгӕй ИӔАМ-ы форматы 2018 азы марты. Раздæр Коцты Егор уыд Днестргæроны официалон минæварады сæргълæууæг Хуссар Ирыстоны.
ИӔАМ-ы форматы фембӕлдтӕ уадзынц иудадзыгӕй 2009 азӕй фӕстӕмӕ. Уыдоны хайад исынц Хуссар Ирыстоны, Уӕрӕсейы ӕмӕ Гуырдзыстоны минӕвӕрттӕ, ӕмӕ сӕ уадзынц ОБСЕ ӕмӕ Евроцӕдисы ӕххуысӕй.