ЦХИНВАЛ, 20 мар - Sputnik. Мариинаг театры концертон залы директор Гугкаты Тамерлан ӕмӕ Санкт-Петербурджы ирон диаспорӕйы сӕргълӕууӕджы хӕдивӕг Остъаты Владиславы схорзӕхджын кодтой майданӕй "Во славу Осетии", хъусын кӕны Цӕгат Ирыстоны нациты хъуыддӕгты фӕдыл министрады пресс-службӕ.
Республикӕйы минӕвӕрттӕн радтой хорзӕхтӕ Цӕгат Ирыстоны сӕргълӕууӕг Битарты Вячеславы фӕдзӕхстмӕ гӕсгӕ.
Хорзӕхкӕныны церемони ацыд Санкт-Петербурджы Мариинаг театры фӕзуатыл. Бӕрӕгбонон мадзалы хайад райстой Мариинаг театры аивадон разамонӕг ӕмӕ генералон директор Гергиты Валерий, Санкт-Петербург ӕмӕ Ленинградон областы ирон диаспорӕйы сӕргълӕууӕг Наниты Петр.