ЦХИНВАЛ, 1 апр – Sputnik. Хуссар Ирыстоны Хъахъхъӕнынады министрады кадетты хъомылгӕнинӕгтӕ ссисты Ӕппӕтуӕрӕсейон ерысты уӕлахиздзаутӕ, хъусын кӕны республикӕйы хъахъхъӕнынадон уагдоны пресс-службӕ.
Хуссар Ирыстоны кадеттӕ бацахстой фыццаг бынат командон бахыгъды.
Делегаци хайад райста Ӕбӕрӕг Солдаты Ингӕнмӕ дидинджытӕ сӕвӕрыны церемонийы ӕмӕ иумӕйаг бӕрӕгбонон ралӕуды Кремлы цур фӕзуатыл. Кадеттӕ бацыдысты Стыр Фыдыбӕстӕйон хӕстымузеймӕ ӕмӕ ӕфсӕддон хайадтӕм, хайад райстой конкурстӕ ӕмӕ ӕндӕр мадзӕлтты. Кадеттӕ ӕрыздӕхтысты Хуссар Ирыстонмӕ дипломтӕ ӕмӕ кады грамотӕтимӕ.
Кадетты скъолайы хъомылгӕнинӕгтӕ бирӕ хатт истой хайад ӕппӕтуӕрӕсейон рӕвдзыты ӕмӕ алыхатт дӕр райсынц призон бынӕттӕ конкурстӕ ӕмӕ спортивон ерысты.
XVI рӕвдзыты, кӕцытӕ цыдысты Мӕскуы ӕмӕ Мӕскуыйы областы 26-30 марты, хайад райстой 52 командӕйы ӕмӕ 800 адӕймагӕй фылдӕр.