ЦХИНВАЛ, 3 апр - Sputnik, Гӕбӕраты Элина. Цхинвалы коммуналон службӕтӕ аластой 130 уӕзласӕн хӕдтулӕйы дзаг бырон горӕты уӕлмӕрдӕй, куыстытӕ цӕуынц Куадзӕнмӕ цӕттӕгӕнӕн мадзӕлтты фӕлгӕтты.
Дыууӕ мӕйы ӕмгъуыдмӕ горӕты администрацийы зӕлдӕлындӕн управлени ӕмӕ хӕрзарӕстады комбинатӕн бантыст ссыгъдӕг кӕнын уӕлмӕрды фылдӕр хай.
Кусджытӕ ӕппарынц къутӕртӕ, хус бӕлӕстӕ калынц, ӕфснайынц дзедыры пыхсытӕ
"Кусджытӕ бафснайдтой дӕсгай ӕзты ӕфснайӕн зиутӕ цы бынӕтты нӕ уыд, уым. коммуналон службӕты раз уыд куысты стыр гуырахст ӕмӕ йыл хорз тых кӕнынц", - загъта комбинаты директор Габуты Инал.
Ӕмрӕстӕджы куыст цӕуы уӕлмӕрдмӕ хӕстӕг Зъудеры дзуармӕ асинтыл дӕр. Кусджытӕ бетон кӕнынц асинты бынтӕ. Сӕ дӕргъ уыдзӕн 150 метры.