ЦХИНВАЛ, 4 апр - Sputnik. Хуссар Ирыстоны минӕвар Никарагуайы Козаты Нарим радта Республикӕйы президент Даниэль Ортегамӕ ӕууӕнчы грамотӕтӕ. Официалон церемони ацыд Адӕмты Хӕдзары Манагуайы, хъусын кӕны Хуссар Ирыстоны Фӕсарӕйнаг хъуыддӕгты министрады (ФХМ) пресс-службӕ.
Ӕууӕнчы грамотӕтӕ раттыны церемонийы хайад райста Никарагуайы вице-президент Росарио Мурильо, банысан кодтой уагдоны.
Амӕйразмӕ Козаты Нарим фембӕлд Никарагуайы ФХМ сӕргълӕууӕг Денис Монкадо Колиндресимӕ ӕмӕ йын радта ӕууӕнчы грамотӕты копитӕ.
Никарагуа банымадта Хуссар Ирыстоны хӕдбардзинад 2008 азы, Уӕрӕсейы аналогион скъуыддзагӕй дыууӕ къуыри фӕстӕдӕр. Уый фӕстӕ республикӕйы суверенитет банымадтой Венесуэла, Науру ӕмӕ Сири.