ЦХИНВАЛ, 8 апр - Sputnik. Хуссар Ирыстоны президент Бибылты Анатолий банысан кодта, республикӕйы адӕмӕн кӕй бантысдзӕн сӕххӕст кӕнын республикӕйы Конституцийы принциптӕ ӕрмӕстдӕр иумӕйаг тыхтӕй. Уый тыххӕй дзырдӕуы Бибылты Анатолийы арфӕйы телы Конституцийы Боны цытӕн, кӕцы ныммыхуыр кодтой республикӕйы сӕргълууӕджы официалон сайтыл.
"Конституцийы Бон махӕн ӕрымысын кодта бӕрдзинады тыххӕй Республикӕ Хуссар Ирыстоны раз. Алкӕйдӕр, кӕй фӕнды фенын нӕ республикӕ тыхджын, перспективон ӕмӕ размӕцыдӕй, хъуамӕ бамбарой, Хуссар Ирыстоны адӕмӕн ӕрмӕст дӕр иумӕйагӕй кӕй бантысдзӕн сӕххӕст кӕнын Конституцийы принциптӕ", - дзырдӕуы арфӕйы телы.
Хуссар Ирыстоны Бындурон закон райстой 18 азы размӕ ӕппӕтадӕмон референдумы фӕстиуӕгӕн 2001 азы. Президент бафтыдта, зӕгъгӕ, уӕдӕй фӕстӕмӕ бӕстӕ сфидар кодта йӕ паддзахаддзинад, бахъахъхъӕдта йӕ хӕдбардзинад ӕмӕ архайдта ӕмбӕстӕгты хӕрзӕбонӕн.
Бибылты Анатолийы цӕст бауарзта йӕ ӕмбӕстӕгтӕн хӕрзӕбон ӕмӕ сабырдзинад.