ЦХИНВАЛ, 11 апр – Sputnik. Зӕрдиаты хъӕуы цӕрӕг, кӕцыйы цыппӕрӕмы аластой гуырдзиаг тыхон структурӕтӕ, ӕрыздӕхт хӕдзармӕ, фехъусын кодта журналисттӕн Хуссар Ирыстоны президенты ӕххӕстбарджын минӕвар Джиоты Мурӕт.
Цыппӕрӕмы ӕххӕстбарджын минӕвар фехъусын кодта, 60-аздзыд Уалыты Зурабы кӕй аластой гуырдзиаг тыхон структурӕтӕ йӕ зӕххы фадыгӕй арӕнгӕрон территорийӕ.
Хуссар Ирыстоны къухдариуӕгад бадзырдта Евроцӕдис ӕмӕ ОБСЕ минӕвӕрттӕм Гуырдзыстоны. Фӕстӕдӕр уыдон фехъусын кодтой хуссарирыстойнаг фарсӕн, Уалыты Зурабы кӕй ӕрыздӕхтой хӕдзармӕ.