ЦХИНВАЛ, 16 апр — Sputnik, Плиты Фатимӕ. Дзауы районы хъӕууон хӕдзарады хайад ныккалдта фӕткъуыйы дыргъдон Итраписы хъӕуы, фехъусын кодтой Sputnik районы пресс-службӕйы.
Карликон фӕткъуыйы талатӕ район райста хъӕууон хӕдзарады министрадӕй, талатӕн сеʻмбис радтой хъӕуты цӕрджытӕн, аннӕ хай ныссагътой Итраписы быдыры.
"5 сӕдӕ талайы райстам хъӕууон хӕдзарады министрадӕй, 250-ӕй дзы районы администрацийы кусджыты ӕххуысӕй сарӕзтам дыргъдон, талаты аннӕ хай байуӕрстам адӕмыл", - радӕтта районы хъӕууон хӕдзарады хайады хистӕр Тедеты Валентины ныхӕстӕ пресс-службӕ.
Карликон фӕткъуы тыллӕг хӕссын райдайы ӕртӕ азмӕ.