ЦХИНВАЛ, 29 апр - Sputnik, Плиты Фатимӕ. Хуссар Иры Дзауы районы мысынц 1991 азы 29 апрелы зæххæнкъуысты амӕттӕгты рухс нӕмттӕ, фехъусын кодтой Sputnik районы пресс-службӕйы.
28 азы агъоммӕ ӕрцӕугӕ ӕрдзон бӕллӕх ахаста 57 адӕймаджы цард, се 'хсӕн скъола–интернаты ахуырдзаутӕй цалдӕр, зæххæнкъуысты дыууӕ хохы хсӕн фӕтары кодта ӕгас хъӕу Хахет йӕ цӕрджытимӕ.
"29 апрелы мах мысӕм 90-ӕм ӕзты зӕххӕнкъуысты амӕттӕгты. 12 сахатыл, раст 28 азы размӕ ӕрдзон бӕллӕх цы рӕстӕгыл ӕрцыд, уыцы афон райдайы дидинтӕ ӕвӕрыны церемони. Фыдохы мадзӕлтты фӕархайынц ахуырдзаутӕ, районы ӕмӕ республикӕйы разамынад. Зӕххӕнкъуысты амӕттӕгтӕн Дзауы центры ӕвӕрд ӕрцыд мемориалон цырт бабынуӕвджыты номхыгъдимӕ, уыдонӕй 42 адӕймаджы Хахеты цӕрджытӕ", - загътой пресс-службӕйы.
1991 азы зӕххӕнкъуысты эпицентр уыд Хахеты, йӕ тых уыд 8 баллы бӕрц. Иу уысммӕ хъӕу фӕтары ис зӕххы бын, абон хъӕуы бынат самадтой ӕртӕ хӕдзар.