ЦХИНВАЛ, 30 апр – Sputnik, Козаты Диана. Хуссар Ирыстоны цӕрджытӕ дыццӕджы баззадысты ӕнӕ рухсӕй, рухсы ахицӕны аххосаг нырма бӕрӕг нӕу.
Гӕнӕн ис, электроифтонгад ахицӕн ис боныгъӕды тыххӕй, республикӕйы цалдӕр сахат ис тыхдымгӕтӕ, кӕцытӕн сӕ бон уыд бахъыгдарын электрондыхы хахх.
"Мах нырма не сбӕрӕг кодтам, цӕй аххосӕй ахицӕн ис рухс. Уый фӕдыл нӕ бон нӕу зӕгъын, кӕд сцалцӕг кӕндзыстӕм электроифтонгад", - загътой Паддзахадон унитарон куыстуат Энергоресурс"-ы.
Хуссар Ирыстонмӕ электроэнерги цӕуы Уӕрӕсейӕ 110 КВт электрондыхы хахх "Зӕрӕмӕг-Цӕгаттаг портал-Дзау"-ыл.