ЦХИНВАЛ, 7 — Sputnik. Спортсмен Цӕгат Ирыстонӕй Руслан Куготов рамбылдта бронзӕйы майдан Уӕрӕсейы фыццагады ӕмбуар хӕстӕй, хъусын кӕны республикӕйы спорты министрад.
Турнир ӕмбуар хӕстӕй юношӕтӕ ӕмӕ чызджыты ӕхсӕн уагъд цыд горӕт Орелы 3-5 майы.
"Руслан Куготов ссис бронзӕйы призер 65 килограмм уӕзы категорийы", - дзырдӕуы хъусинаджы.
Пресс-службӕйы бафтыдтой, зӕгъгӕ, спортсмены ерыстӕм бацӕттӕ кодтой Кадиты Нариман ӕмӕ Илья Циклаури.
Амӕйразмӕ хъусын кодтой, Черчесты Амина Цӕгат Ирыстонӕй кӕй рамбылдта сыгъзӕрин майдан Уӕрӕсейы фыццагады тхэквондойӕ юниорты ӕхсӕн.