Хуссар Ирыстоны нывгӕнджыты цӕдис цӕттӕ кӕны егъау равдыст Уӕлахизы Бонмӕ «Гремят истории колокола, взывая к памяти моей», кӕцы бакӕндзысты 9 майы. Экспозици бавдисдзысты Паддзахадон киноконцертон зал "Чермен"-ы фойейы.
Цхуырбаты Тамерланы ныхӕстӕм гӕсгӕ, равдысты бавдисдзысты куыстытӕ, кӕцытӕ нывонд сты Стыр Фыдыбӕстӕйон хӕстӕн, хъайтартӕн, кӕцытӕ радтой сӕ цард сӕрибардзинад ӕмӕ сабырдзинады тыххӕй дунейы, афтӕ ма портреттӕ ӕмӕ пейзажтӕ. Ноджы ма экспозицийы гӕнӕн уыдзӕн фенын хъӕдӕрмӕгӕй арӕзт куыстытӕ.