ЦХИНВАЛ, 8 май - Sputnik, Плиты Фатимӕ. Хуссар Иры рауагъдонтӕ 2019 азы Ӕхсӕнадӕмон ахастыты Мӕскуыйы паддзахадон институтмӕ ахуырмӕ лимитты фӕрцы бацӕуыны фадат нӕ уыдзӕн. Хуссар Ирӕн лӕвӕрд ӕрцыд фондз квотӕйы бакалавриат ӕмӕ магистратурӕмӕ, хъусын кӕны ХИ фӕсарӕйнаг хъуыддӕгты министрады пресс-службӕ.
"Ӕхсӕнадӕмон ахастыты Мӕскуыйы паддзахадон институт (университет) фехъусын кодта бӕстӕйон квотайы фӕлгӕттты Хуссар Ирӕй фондз адӕймаджы райсыны цӕттӕдзинады тыххӕй. 2019 азы Хуссар Ирӕн лӕвӕрд ӕрцыд фондз бынаты университеты бакалавриат ӕмӕ магистратурӕмӕ", - дзырдӕуы хъусинаджы.
Уым ма банысан кодтой, квотатӕй спайда кӕныны фадат уыдзӕн суденттӕн, кӕцытӕ равдыстой ахуыры хорз бӕрӕггӕнӕнтӕ ӕмӕ сӕ бафӕндыд сӕ ахуыр адарддӕр кӕнын.