ЦХИНВАЛ, 13 май — Sputnik, Плиты Фатимӕ. Театралон аивады уӕрӕсейаг институты режиссерон факультеты хуыздӕр рауагъдонтӕ сӕвӕрдзысты Хуссар Иры паддзахадон драмон театры сценӕйы спектакльтӕ. Ӕмгуыстады фӕдыл развӕлгъау разыдзинадыл дзырд цыд театры директор Уалыты Мӕдинӕ ӕмӕ уӕрӕсейаг вузы ректор Григорий Заславскийы фембӕлды, фехъусын кодта Sputnik кӕны ПДТ пресс-службӕ.
Фӕмбӕлды фӕлгӕтты ма дзырд цыд ГИТИсы сӕрдыгон скъолайы хуссарирыстойнаг артистты хайадистыл.
"Ныхас цыд бирӕ фарстытыл. Ӕввахс рӕстӕджы Цхинвалы ӕнхъӕлмӕ кӕсӕм уӕрӕсейаг уӕлдӕр ахуыгӕнӕндоны ректор Григорий Заславскийы рцыдмӕ. Йӕ балцы рӕсӕтӕджы фӕнд кӕнӕм бафыссын бадзырд. Уымӕй дарддӕр ма режиссерон факультеты декан Владимир Байчеримӕ фембӕлды рӕстӕджы ӕрдзырдтам нӕ театры труппӕимӕ сӕ рауагъдонты рцыд ӕмӕ куысты лыстӕгдзинадтыл", - хъусын кӕны пресс-службӕ директоры ныхӕстӕ.
Театры ма банысан кодтой, къуырисӕры, 13 майы, Уалыты Мадина фӕнд кӕны фембӕлын театралон архайджыты цӕдисы сӕрдары хӕдивӕг Дмитрий Мозговоимӕ фембӕлын.