ЦХИНВАЛ, 14 май - Sputnik. Хуссар Ирыстоны æнæниздзинад хъахъхъæнынад æмæ социалон райрæзты министрад ацы азы апрелы мæйы рахицæн кодта æххуысхъуаг бинонтæн 1,5 милуан сомы.
Материалон æххуыс райстой республикæйы 151 æмбæстаджы, хъусын кæны хицауады пресс-службæ.
"Уыдонæй æхсæз сты I æмæ II группæйы инвалидтæ (65 мин сомы), 13 инвалиды сабибонтæй фæстæмæ (130 мин сомы), 63 бирæсывæллонджын бинонтæ (690 мин сомы), 20 фæмардуæвæджы бинонтæ (200 мин сомы), 12 æххуысхъуаг бинонтæ (135 мин сомы), фараст сидзæры (95 мин сомы), æнæниздзинады уавæры тыххæй иурæстæгон æххуыс райстой цыппар æмбæстаджы (65 мин сомы), афтæ ма СФХ 24 хайадисæджы (120 мин сомы)", - дзырдæуы хъусинаджы.
Зын цардуагон уавæрты бахауæг æбæстæгтæн адресон æххуыс конд цæуы республикæйы хицауады барамынæй 2015 азы октябрæй фæстæмæ.