ЦХИНВАЛ, 15 май — Sputnik. Ирон боксер, WBA ӕмӕ IBF верситӕм гӕсгӕ раздӕры чемпион Гасситы Мурӕт йӕ дебютон тох уӕззау уӕзы
ӕвӕццӕгӕн ауадздзӕн 27 июлы, хъусын кӕны Р-Спорт.
Ацы аз апрелы Гасситы Мурӕт ахызт уӕззау уӕзмӕ. Ныртӕккӕ ирон спортсмен ис Америкӕйы, цы ран дарддӕр кӕны йӕ тренировкӕтӕ хӕххон лагерь Биг Бэры.
Нывӕзтмӕ гӕсгӕ, Гасситы Мурӕт йӕ тох ауадздзӕн турниры андеркарды. Йӕ ныхмӕлӕууӕг ӕмӕ тохы бынат нырма бӕрӕг не 'рцыдысты.
Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл. Ирон боксер ногӕй райдыдта тренировкӕ кӕнын ацы аз январы.