ЦХИНВАЛ, 16 май — Sputnik. Хуссар Ирыстоны хицауады сӕрдар Пухаты Эрик сарӕзта лӕвар скъола-интернаты ахуырдзауӕн рауагъдон изӕрмӕ, хъусын кӕны республикӕйы хицауады пресс-службӕ.
Пухаты Эрик скъола-интернатмӕ йӕ балцы рӕстӕджы ӕрныхас кодта ахуырдзаутимӕ ахуыры фӕстиуджытӕ ӕмӕ дарддӕры нывӕзтытыл. Ахуырдзаутӕй иу радзырдта хицауады сӕрдарӕн йӕ фӕнды тыххӕй - бацӕуын Нальчикы хореографион ахуыргӕнӕндонмӕ, афтӕ ма ӕхцайы фӕрӕзты хъуагдзинады тыххӕй, зӕгъгӕ, мын фадат нӕй балхӕнын костюм рауагъдон изӕрмӕ.
Пухаты Эрик ӕмӕ хицауады аппараты хӕдивӕг Дзудцаты Мурӕт аскъуыддзаг кодтой ахуырдзауы проблемӕ ӕмӕ йын радтой лӕвар.
Премьер-министры цӕст бауарзта лӕппуйӕн ӕнтыстытӕ йӕ ахуыры ӕмӕ банысан кодта, кӕй зоны йӕ кафыны курдиӕтты тыххӕй.
"Хъӕуы кусын ӕмӕ ӕххӕст кӕнын ӕвӕрд нысӕнттӕ. Алцыдӕр дын рауайдзӕн", - бафтыдта Пухаты Эрик.