ЦХИНВАЛ, 16 мая - Sputnik. Цхинвалы администраци бафыста ӕмгуыстады фӕдыл бадзырд италиаг горӕт Рандаццойы муниципалитетимӕ. Документ бафыстой италиг горӕты делегацийы балцы рӕстӕджы Хуссар Ирыстонмӕ, хъусын кӕны фӕсарӕйнаг хъуыддӕгты министрады (ФХМ) пресс-службӕ.
Бадзырд бафыстой Цхинвалы администрацийы сӕрдар Коцты Алан ӕмӕ Рандаццойы муниципалитеты сӕрдары хӕдивӕг Тиндаро Скализи. Документы руаджы райтынг уыдзӕн ӕмгуыстад ӕмӕ ӕмархайд горӕтты хсӕн.
"Бадзырдмӕ гӕсгӕ уагъд цӕудзысты армукъатӕ, равдысттӕ, фестивальтӕ, афтӕ ма иумӕйаг мадзӕлттӕ аивадон ӕмӕ сфӕлдыстадон къордты хайадистӕй. Нывӕндӕм ӕххӕст кӕнын кусӕгон къордты минӕвӕрттӕ, зонадон кусджытӕ ӕмӕ аивады архайджыты балцытӕ дыууӕ горӕтмӕ", - дзырдӕуы хъусинаджы.
Церемонийы кӕрон фарсытӕ радтой кӕрӕдзийӕн зӕрдылдарӕн лӕвӕрттӕ.