ЦХИНВАЛ, 11 июн - Sputnik, Гæбæраты Ян. Хуссар Ирыстоны æмбырдгонды шахматист райста Ханты-Мансийскы хорзæх иууыл "рæсугъд парти"-йы тыххæй, йæ ныхмæлæууæджы 12 къахдзæфмæ рамбулгæйæ, радзырдта Sputnik-ы пресс-конференцийы рæстæджы къорды хистæр, шахматты федерацийы хистæр Саулохты Георгий.
Ханты-Мансийскы 5 июны балхынцъ сты Уæрæсейы æмбæстæгты V хъæзтытæ.
Юграйы столицæ фондз боны дæргъы æрфысым кодта 60 бæстæйæ сывæллæтты, сæ нымæцы Хуссар Ирæй дæр.
Sputnik пресс-центры дыццæджы ацыд пресс-конференци ахуыргæнджытæ, мадзалы архайджытæ æмæ Россотрудничествойы минæвæрттæн.
Минæварады хистæры ныхæстæм гæсгæ, конкурс "Диалоги на русском языке" Хуссар Иры командæ æмгъуыдагъоммæ ссис уæлахиздзау Беларусь æмæ Уæрæсейы командæтæ рамбулгæйæ.
Конкурсы размæ сывæллæттимæ куыста уырыссаг æвзаджы ахуыргæнæг Мулдарты Алла.
Скворцов ма банысан кодта, нæ командæ афтæ æнтыстджын нæ уыд национ культурæ æвдисæг номырты.
"Фæсивæд ахастой кафт "Симд". Фæлæ, æвæццæгæн, организатортæ æфсæрм кодтой æппæт хорзæхтæ Хуссар Ирæн ", - загъта Скворцов.
Къорд фидар цыд фæсивæдон комитеты æмархайдæй, президент Бибылты Анатолийы финансон æххуысæй сывæллæтты уæлæдарæс Хуссар Иры паддзахадон тырысайы ахорæнты.
Нæ командæ ерысты архайдта спортивон мадзæлтты дæр - шахматты æмæ ленк кæнынæй.
Спортивон амбицитæ фæсивæд сæххæст кодтой шахматтæй – ныфсджын æмæ рæсугъд хъазтæй, уый хыгъд нæ минæвар райста хорзæх иууыл аивдæр партийы тыххæй.
"FIDE-йы тæрхонгæнджытæ аргъ кодтой æппæт партитæн. Ахъуыды ма йыл кæнут хъазт цæуы 40-45 цыды онг. Нæ шахматист рамбылдта йæ ныхмæлæууæджы 12-æм цыдæн", - загъта Саулохты Георгий.