ЦХИНВАЛ, 13 июн — Sputnik. Ирон дирижер, Мариинаг театры аивадон разамонӕг Гергиты Валерий райста Уæрæсейы культурæйы министрады уæлдæр хорзæх "за вклад в развитие культуры", хъусын кæны 15-й Регион.
Маэстро хорзæх райста культурæйы министр Владимир Мединскийы къухæй. Хорзæхкæнын церемони ацыд культурæ æмæ аивады кусджытæн паддзахадон æмæ ведомствæйон хорзæхтæ радтыны церемонийы рæстæджы Мæскуыйы.
Уымæй размæ фæбæрæг ис Гергиты Валерий кæй ссис Санкт-Петербургы минæвар Европæйы чемпионаты футболæй 2020 азы. Уый райста сертификат Уæрæсейы вице-премьер Ольга Голодецы къухæй.