ЦХИНВАЛ, 17 июн — Sputnik, Плиты Фатимæ. Сывӕллӕтты ӕмӕ ӕрыгон фӕсивӕды боксы скъола дыууæ боны дæргъы турниры сбæрæг кодта æртæ кары категориты хуыздæр боксерты. Уæлахиздзауты нымæцы ис дзауаг æмæ дменисаг фæсивæд дæр, фехъусын кодта Sputnik скъолайы директоры хæдивæг Кокойты Ирбег.
Ерыстæ цыдысты 15-16 июны Спорты скъолайы. Тохтæ æрæмбырд кодтой йедзаг зал. Фыццаг ерысты бахызтысты иууыл чысыл боксертæ - уыдонæн уыд фæлварæн тохтæ.
"Боксы скъола ерысты фæрцы саргъ кодта тренерты куыстæн æмæ фæсивæды цæттæдзинадæн. Ам фыццаг хатт ракодтам рингмæ иу азы æмгъуыд чи цæттæ кæны, уыдон, федтам, куыд арæхсынц тох кæнын. Уæлдай æхсызгон ма уыд, 32 уæлахиздзауы нымæцы кæй ис Дменисы æмæ Дзауы уæвæг секциты минæвæрттæ", - загъта Кокойты Ирбег.
Уый ма банысан кодта, тохтæ кæй рауадысты тынг цымыдисон, турниры фембæлдтæм бакæсынмæ æрбацыд паддзахады сæргълæууæг Бибылты Анатолий дæр.
Нывæзтон скъолæйон ерысты архайдтой 2003-2004, 2005-2006, 2007-2008 æзты гуырд спортсментæ. Сæ хъомылгæнинæгты раразмæ кодтой Боксы скъолайы 11 тренеры, стæй мæ горæты æндæр секциты хъомылгæнинæгтæ дæр. Турниры æдæппæтæй тох кодта 100 боксеры.
Сывӕллӕтты ӕмӕ ӕрыгон фӕсивӕды боксы скъолæйы секцитæ кусынц столицæйы цалдæр ран æмæ республикæйы дыууæ районы. Спортивон уагдонæн разамынад дæтты советон цæдисы спорты мастер Кокойты Мурæт.