ЦХИНВАЛ, 19 июн - Sputnik. Цæгат Ирыстоны спортсментæ æнтыстджынæй бацархайдтой WRPF нымадæй Æппæтуæрæсейаг дæсныты турнир "Хуры кубок"-ы пауэрлифтингæй, хъусын кæны 15 регион.
"Дреты Азæмæт (75 кг) ссис абсолютон чемпион бицепсыл схæсты æмæ сæвæрдта Уæрæсейы, Европæйы æмæ дунейы ног рекорд — 71 кг", - дзырдæуы хъусинаджы.
Уымæй дарддæр ма Рамиль Ельджаров (90 кг) та рамбылдта дыууæ сыгъзæрин майданы — адæмон жимы æмæ бицепсыл схæсты. Хъодзаты Янæ (78 кг) рамбылдта хуысгæйæ жимы æмæ адæмон жимы.
Æппæтуæрæсейаг дæсныты турнир "Хуры кубок" цыд Ставрополы.