ЦХИНВАЛ, 26 июн - Sputnik. Мидхъуыддæгты министрады сæрмагонд нысаниуæджы къорды кусджытæ рацыдысты ахуыртæ тактикон æхстæй цæттæгæнæн полигоны, хъусын кæны уагдоны пресс-службæ.
Уыдон сфæлвæрдтой сæхи тагъд æмæ нысанмæ æхсынæй æндæр æмæ æндæр бынæттæй æмæ равдыстой иттæг хорз бæрæггæнæнтæ.
МХМ сæрмагонд дæлхайады кусджытæн ацыд æхсынæй ахуыртæ
© Пресс-служба МВД РЮО
Нысанмæ æхст цыд автомат æмæ Калашниковы пулеметтæй, гранатометтæй, афтæ ма Драгуновы снайперон винтовкæйæ.
Инстукторы ныхæстæм гæсгæ, цæттæгæнæн куысты ацы хаймæ стыр хъусдард здæхт цæуы.
"Професси баст у тасимæ æмæ домы хорз цæттæдзинад, уымæ гæсгæ æдзух хъæуы хи фæлварын. Къорды хицæн кæны тагъд архайдмæ æвзыгъддзинад, уымæ гæсгæ, хъуыды кæнын хъæуы тагъд, æхсын - нысанмæ", - зæгъы инструктор.
Ахуырты нысан у архæстдзинады æмвæзад фæбæрзонддæр кæнын.