ЦХИНВАЛ, 28 июн - Sputnik. Уæрæсейы æмбырдгонды сæйраг тренер Черчесты Станислав ссис Уæрæсейаг футболон цæдисы (УФЦ) преми "Футболы райрæзтмæ хайбавæрды тыххæй"-ы лауреат, хъусын кæны организацийы сайт.
Хъусинагæй куыд бæрæг у, афтæмæй "Афæдзы хуыздæр футболисты" ном радтой Артем Дзюбайæн, "Хуыздæр тренер" ссис Сергей Семак. Афæдзы хуыздæр командæйыл та нымад æрцыд "Зенит".
Уымæй дарддæр ма фидар кодтой "Уæрæсейы чемпионаты 33 хуыздæр хъазæджы" номхыгъд 2018/2019 æзты сезоны фæстиуджытæм гæсгæ.