ЦХИНВАЛ, 2 июл — Sputnik. Цæгат Ирыстоны кусын райдыдтой ирон æвзаг ахуыр кæныны лæвар курсытæ, хъусын кæны ПТРК "Алания".
Хъусинагæй куыд бæрæг у, афтæмæй курсытæм цæуыны фадат ис, 14 азы онг кæуыл цæуы, ахæм лæппутæн æмæ чызджытæн.
"Сывæллæтты сфæлдыстады республикон хæдзары сын ирон аив дзырды уроктæ дæттынц ирон филологийы факультеты студенттæ æмæ ахуыргæнджытæ. Курсытæ арæзт цæуынц ныр дыккаг аз. Афтæмæй æххæстгонд цæуы "Национ культурон хæзнаты" программæ", - дзырдæуы хъусинаджы.
Кæстæртæ, ирон æвзаг зоныны æмвæзадмæ гæсгæ, кусынц 4 къорды. Мадзал саразджыты хъуыдымæ гæсгæ, фыццаджыдæр, сывæллонæн хъæуы Ирыстоны культурæйы тыххæй зонындзинæдтæ раттын. Уыимæ, ирон у, æви æндæр адæмыхаттæй, уый уæлдай нæу.