ЦХИНВАЛ, 1 июл - Sputnik. Хуссар Ирыстон æмæ Абхазы хицауадтæ бафысдзысты æхсæнадæмон автомобилон бастдзинады фæдыл бадзырд. Уый тыххæй хъусын кæны Абхазы транспорты фæдыл паддзахадон управленийы пресс-службæ.
"Абхазы рдыгæй документыл йæ къухфыст сæвæрдзæн транспорты фæдыл паддзахадон управленийы хистæр Робестан Габлия, Хуссар Иры рдыгæй та - сæудæджерад, энергетикæ æмæ транспорты комитеты сæрдар Санахъоты Батрадз", - дзырдæуы хъусинаджы.
Хуссар Ирыстоны делегаци ацæудзæн кусæгон балцы Абхазмæ 24 июлы.