Хуссар Ирыстоны столицæйы кусы иугонд æвзонг нывгæнджыты равдыст “Tskhinval 5”. Равдыст нывонд уыд Уæрæсейы боны цытаен æмæ уагъд æрцыд Россотрудничествойы минæварады æххуысæй. Сфæлдыстадон иугонд “Tskhinval 5”-ы сконды сты фондз нывгæнæджы: Дзæгъиаты Альбина, Саулохты Георгий, Дзигойты Карина, Кокойты Мария æмæ Кæсойты Алан. Равдысты ис Кæсойты Аланæй дарддæр иннæ нывгæнджыты куыстытæ.
Радио Sputnik Хуссар Ирыстоны студийы уыдысты Дзигойты Карина æмæ Кокойты Мария, уыдон радзырдтой аивадмæ сæ уарзондзинады тыххæй, сæ куыстытæ, цæттæкæнынад равдысты бакондмæ æмæ фидæны нывæзтыты тыххæй.