ЦХИНВАЛ, 8 июл - Sputnik. Цхинвалы уӕрӕсейаг ӕмбӕстӕгты цыппар бинонтӕн радтой грамотӕтӕ ӕмӕ Уӕрӕсейы Бинонтӕ, уарзондзинад ӕмӕ иузӕрдионы бон ауадзыны фӕдыл Организацион комитеты майдантӕ. Хуссар Ирыстоны Россотрудничествойы минӕварады пресс-службӕ фехъусын кодта, хорзӕхкӕныны цӕремони кӕй ацыд мадзалы рӕстӕджы, кӕцы нывонд уыд бӕрӕгбонӕн.
"Мадзалы хайад райстой ӕмбӕстӕгтӕ, кӕцытӕ цӕрынц Хуссар Ирыстоны, афтӕ ма уырыссаг культурӕ ӕмӕ традицитӕн чи кад кӕны, уыдон. Мадзалы хайадисджытӕн равдыстой презентаци бинонты хӕзнатӕ ӕмӕ Уӕрӕсейы Уарзондзинад, бинонтӕ ӕмӕ иузӕрдионы бӕрӕгбоны тыххӕй", - дзырдӕуы хъусинаджы.
Бинонтӕ, уарзондзинад ӕмӕ иузӕрдионы бон нысан кӕнынц Муромты сыгъдӕг Петр ӕмӕ Февронийӕн кад кӕныны боны – уыдон сты бинонтӕ ӕмӕ ӕмкъайады бардуагтӕ.