ЦХИНВАЛ, 12 июл — Sputnik. Цӕгат Ирыстоны физикон культурӕ ӕмӕ спорты раздӕры министр Гӕбулты Владимир фехъусын кодта журналисттӕн цыппӕрӕмы, республикӕйы территорийыл тагъд рӕстӕджы кӕй фӕзындзӕн футболон интернат, хъусын кӕны 15-ӕм Регион.
Гӕбулты Владимиры ныхӕстӕм гӕсгӕ, интернат уыдзӕн санатори "Осетия"-йы территорийыл Дзӕуджыхъӕуы.
"Ам ис цыппаруӕладзыгон бӕстыхай, афтӕ ма зӕххы хай, цы ран гӕнӕн ис саразын футболон быдыртӕ. Интернатмӕ фӕхондзысты курдиатджын сывӕллӕтты столицӕ ӕмӕ республикӕйы районты скъолатӕй. Мах хъуамӕ сӕ фарсмӕ балӕууӕм", - банысан кодта раздӕры министр.
Гӕбулты Владимир нӕ фехъусын кодта дырыс ӕмгъуыд, фӕлӕ бахахх кодта, интернат кӕй скусдзӕн ӕввахс мӕйты.