ЦХИНВАЛ, 15 июл - Sputnik. Президент Бибылты Анатолий хайад райста Хетӕджы боны бӕрӕгбоны, кӕцы ӕрвылаз нысан кӕнынц июлы дыккаг хуыцаубоны. Бӕрӕгбонон мадзӕлттӕ уагъд цыдысты Хетӕджы къохы Цӕгат Ирыстоны Алагиры районы.
Цӕгат Ирыстоны сӕргълӕууӕг Битарты Вячеславимӕ, Бибылты Анатолий раарфӕ кодта Ирыстоны адӕмӕн бӕрӕгбоны цытӕн.
"Ацы бӕрӕгбонмӕ цӕттӕ кӕнынц алкӕцы хъӕу ӕмӕ хӕдзары дӕр. Хетӕджы къохмӕ ӕрцӕуынц адӕм Ирыстоны хуссар ӕмӕ цӕгатӕй дӕр. Адӕм ӕрцӕуынц сыгъдӕг хъуыдытӕ ӕмӕ ныфсытимӕ, скувынц ӕмӕ уадз ӕмӕ сӕ бӕллицӕтӕ алыхатт дӕр ӕххӕст кӕной", - загъта президент.
Битарты Вячеславы цӕст бауарзта Ирыстоны хуссар ӕмӕ цӕгаты цӕрджытӕн хорздзинад ӕмӕ хӕрзӕбон.
"Абон у Ирыстоны иууыл сӕйрагдӕр бӕрӕгбӕттӕй иу. Алкуыдӕр адӕм кувдзысты, цӕмӕй Ирыстоны зӕххыл уа сабырдзинад ӕмӕ цӕмӕй йӕ адӕм уой ӕнӕниз ӕмӕ амондджын", - загъта РЦИ-Аланийы сӕргълӕууӕг.
Бӕрӕгбонон мадзӕлтты Цӕгат Ирыстоны хайад райстой ирон диаспорӕтӕ Ставрополы край, Челябинск, Екатеринбург, Кӕсӕг-Балхъар ӕмӕ Республикӕ Хъырымӕй.
Хетӕджы бон Къохмӕ кувынмӕ ӕрцӕуынц дӕсгай мин адӕм. Таурӕгъмӕ гӕсгӕ ам бирӕ ӕнусты размӕ Хетӕг скуывта Хуыцаумӕ ӕмӕ фервӕзт йе знӕгтӕй.