ЦХИНВАЛ, 17 июл — Sputnik. Хуссар Ирыстонӕй хайадисджыты дыккаг къорд ацыд Ӕппӕтуӕрӕсейон фӕсивӕдон ахуырадон форум "Таврида"-мӕ Хъырыммӕ. Уый тыххӕй фехъусын кодта фӕсивӕдон политикӕ, спорт ӕмӕ туризмы комитеты пресс-службӕ.
Курдиатджын фӕсивӕд бахаудзысты форумы дӕсӕм "РЭП" сменӕмӕ. Ацы сменӕйы хайадисджытӕ сты музыканттӕ, вокалисттӕ, поэттӕ, хореографтӕ, sound-продюсертӕ, битмейкертӕ.
Амӕйразмӕ республикӕйӕ хайадисджыты фыццаг къорд ацыд форумы ӕстӕм "Адӕмон сменӕ"-мӕ.
Форум "Таврида" ис гом платформӕ "Россия — страна возможностей"-йы проектты сконды. Ацы аз форумы уыдзӕн 15 сменӕйы. Уый у фӕзуат культурӕ ӕмӕ аивады ӕвзонг архайджытӕн, афтӕ ма хайадисджытӕн уыдзӕн фадат бавдисын форумы сӕ проекттӕ.