ЦХИНВАЛ, 18 июл - Sputnik. Хуссар Ирыстоны Фӕсарӕйнаг хъуыддӕгты министр Медойты Дмитрий схорзӕхджын кодта уагдонон майдантӕй "Ӕхсӕнадӕмон ӕмгуыстадмӕ хайбавӕрды тыххӕй" никуарагуанаг коллегӕ Денис Монкада ӕмӕ йӕ хӕдивӕджы – Никарагуайы фыццаг минӕвар Хуссар Ирыстоны Луис Альберто Молино Куадрайы.
Хорзӕхкӕныны церемони ацыд цыппӕрӕмы Хусар Ирыстоны делегацийы балцы фӕлгӕтты Никарагуамӕ, цы ран майрӕмбоны нысан кӕндзысты Сандинистон революцийы 40-ӕм афӕдзы бон, хъусын кӕны РХИ Фӕсарӕйнаг хъуыддӕгты министрады (ФХМ) пресс-службӕ.
Никарагуайы ФХМ сӕргълӕууӕг схорзӕхджын кодта Медойты Дмитрийы "Хосе Т. де Марколеты" орденӕй сгуыхтдзинӕдты тыххӕй Хуссар Ирыстон ӕмӕ Никарагуайы хсӕн паддзахадон ахастыты райрӕзты хъуыддаджы.
Никарагуа банымадта Хуссар Ирыстоны хӕдбардзинад 2008 азы, Уӕрӕсейы аналогион скъуыддзагӕй дыууӕ къуыри фӕстӕдӕр. Уый фӕстӕ республикӕйы суверенитет банымадтой Венесуэла, Науру ӕмӕ Сири.