ЦХИНВАЛ, 23 июл - Sputnik. Уӕрӕсейы Федерацийы президент Владимир Путин бахӕс кодта культурӕйы министр Владимир Мединскийӕн ӕмӕ Цӕгат Ирыстоны сӕргълӕууӕг Битарты Вячеславӕн бацӕттӕ кӕнын Джӕуджыхъӕуы кинотеатр "Комсомолец" сцалцӕг кӕныны проект.
Уынаффӕ ныммыхуыр кодтой Кремлы сайтыл.
"Уӕрӕсейы культурӕйы министрад Республикӕ Цӕгат Ирыстон – Аланийы хицауадимӕ иумӕ хъуамӕ бацӕттӕ кӕна федералон нысаниуӕджы объект - кинотеатр "Комсомолец" сцалцӕг кӕныны проект", - дзырдӕуы уынаффӕйы.
Амӕйразмӕ Sputnik Хуссар Ирыстоны журналисткӕ Къӕбысты Анна радта фарст Владимир Путинмӕ кинотеатр "Комсомолец"-ы сомбоны тыххӕй. Джӕуджыхъӕуы кинотеатр у федералон нысаниуӕджы цырт ӕмӕ ис взӕр уавӕры. Владимир Путин дзырд радта, кӕй ӕрныхас кӕндзӕн ацы фарсты фӕдыл культурӕйы министр Владимир Мединскиимӕ.