ЦХИНВАЛ, 29 июл - Sputnik. Арӕзтадон компани "СТМ-Юг" радта Цхинвалы скъола-интернатӕн ног электрогенератор, хъусын кӕны Хуссар Ирыстоны хицауады пресс-службӕ.
Аразджытӕ генератор равзарынмӕ бацыдысты лӕмбынӕгӕй.
"Нӕ компанийы специалисттӕ разамонӕг Коцты Олегы фӕдзӕхстӕй развӕлгъау басгӕрстой бӕстыхай ӕмӕ сбӕрӕг кодтой йӕ энергетикон домӕнтӕ. Уый фӕстиуӕгӕн балхӕдтой 8 кВт хъомысы генератор. Ныр скъола ифтонг уыдзӕн йӕхи электроэнергийӕ авариты рӕстӕджы. Ӕхсызгон нын у ӕххуыс кӕнын сывӕллӕттӕн", - радзырдта компанийы сӕйраг инженер Хъантеты Таймураз.
Республикӕйы хицауады сӕрдар Пухаты Эрик банысан кодта, амалиуӕггӕнджытӕм кӕй хъӕуы хорз ахаст дарын ацы социалон бӕрндзинӕдтӕ сӕхимӕ райсыны тыххӕй.
"СТМ-ЮГ" йӕхи равдыста хорз арӕзтадон организацийӕ ӕмӕ сӕххӕст кодта йӕ хӕслӕвӕрдтӕ иууылдӕр. Сӕ лӕвар скъола-интернатӕн ноджы фӕфылдӕр кодта сӕ репутаци", - загъта хицауады сӕрдар.
Премьер-министр бафтыдта, зӕгъгӕ, амалиуӕггӕнджытӕм, кӕцытӕ ӕфтиаг райсынӕй дарддӕр ӕххуыс кӕнынц скъуыддзаг кӕнын социалон проблемӕтӕ, хъӕуы дарын хорз ахаст.