ЦХИНВАЛ, 6 авг — Sputnik. Ирыстойнаг спортсмен Джиоты Дмитрий рамбылдта сыгъзӕрин майдан грекаг-римаг хӕстӕй ӕхсӕнадӕмон турниры Новосибирскы, хъусын кӕны Цӕгат Ирыстоны спорты министрады пресс-службӕ.
Джиоты Дмитрий нымад ӕрцыд хуыздӕр спортсменыл 77 кг уӕзы категорийы, финалы Азийы чемпионаты призер, япойнаг Ябоко Ишойы рамбулгӕйӕ.
Ирон богалы цӕттӕ кӕнынц тренертӕ Фӕрниаты Сослан ӕмӕ Хӕтӕгты Аслан.
Александр Нестеренкойы номарӕн турнир цыд 3-4 августы ӕмӕ ӕрӕмбырд кодта дунейы дӕс бӕстӕйы спортсменты.