ЦХИНВАЛ, 6 авг - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальон равдыста дыууӕмӕйон интенсивон ахуырты фӕстиуӕг, хъусын кӕны дыццӕджы уагдоны пресс-службӕ.
Министрады куыд бамбарын кодтой, афтӕмӕй ӕртӕбонон ахуыртӕ цыдысты хӕстон уавӕртӕм бынтон хӕстӕг фадӕтты.
"Фыццаг этапыл бакуыстам хъусинаджы сигнал ӕмӕ уайтагъд хӕстон цӕттӕдзинадмӕ ӕркӕныныл. Дыккаг этапыл тактикон къордтӕ раконд ӕрцыдысты условон ныхмӕлӕууӕджы фӕсчъылдыммӕ. Фӕстаг, ӕртыккаг этапыл ӕххӕст цыдысты разӕсгарӕн хӕстӕ", - радзырдтой Хъахъхъӕнынады министрады.
Сӕрмагонд нысаны батальон бакуыста ахӕм элементтыл, куыд ныхмӕлӕууӕджы агуырд, ныббырст бацӕттӕ кӕнын ӕмӕ ауадзын, знагӕй хи бахъхъахъхъӕнын ӕмӕ ӕнд.
Кӕронбӕттӕны ӕфсӕддонтӕ сарӕзтой марш-бросок сӕ ӕдзухон дислокацийы пунктмӕ.