ЦХИНВАЛ, 13 авг - Sputnik. Хуссар Ирыстоны президент Бибылты Анатолий сӕвӕрдта дидинджытӕ мемориалон комплекс "Сапун-хох"-ы Кады Обелискы Ӕнусон артмӕ, хъусын кӕны Севостополы хъайтарон хъахъхъӕнынад ӕмӕ ссӕрибары Паддзахадон музейы пресс-службӕ.
Республикӕйы сӕргълӕууӕг бабӕрӕг кодта мемориал Уӕрӕсейы Паддзахадон думӕйы депутат Дмитрий Саблинимӕ.
Севостополы ӕфсӕддон-историкон музейы директор Николай Мусиенко равдыста уазджытӕн хӕстон техникӕйы равдыст, се хсӕн танктӕ Т-34 ӕм ИС-2 ӕмӕ зындгонд "Катюша", афтӕ ма Мемориалон комплекс "Сапун-хох"-ы сӕндидзӕны макет. Комплекс сног кӕндзысты Стыр Уӕлахизыл 75 азы сӕххӕсты цытӕн 2020 азы.
Президент Бибылты Анатолий ныффыста Диорамайы аргъгӕнды чиныджы. Афтӕ ма Мусиенко балӕвар кодта Бибылты Анатолийӕн чиныг "Герои битвы за Севастополь".