ЦХИНВАЛ, 4 сен – Sputnik, Козаты Диана. Цхинвалы уӕрӕсейаг ӕфсӕддон базӕйы дыууӕ ӕфсӕддоны цардӕн, кӕцытӕ бахаудтой аварийы дыццӕджы, ницы тас ис, загътой Sputnik Цхинвалы республикон бирӕпрофилон медицинон центры.
Фӕндагон-транспортон цау ӕрцыд дыццӕджы Хуссар Ирыстоны Дзауы районы Ручъы хъӕуы районы. Ӕфсӕддонты хӕдтулгӕ сӕмбӕлд бетонон ӕмбондыл.
"Авари ӕрцыд бонӕй фыццаг сахатыл. Ӕфсӕддонтӕй иуы аластой Дзӕуджыхъӕуы рынчындонмӕ, дыккаджы медицинон ӕххуыс нӕ бахъуыд", - загъта агентады ныхасӕмбал.
Рынчындоны бафтыдтой, зианбаййафджыты цардӕн кӕй ницы тас ис.