Хуссар Ирыстоны райдыдта ног ахуырадон аз. Фаронӕй фӕстӕмӕ ахуыр райдайы фӕстӕдӕр – республикӕйы президент йӕ барамындӕй ахаста Зонындзинӕдты бон 1-ӕй 5-ӕм сентябрьмӕ Беслӕны трагедийы афӕдзыбоны тыххӕй.
Цыппӕрӕмы республикӕйы байгом сты 52 астӕуккаг скъолайы, бирӕпрофилон колледж Цхинвалы, медицинон ӕмӕ ӕндӕр сӕрмагонд ахуыргӕнӕндӕттӕ. Иумӕйагӕй скъолатӕм бацыдысты 765 фыццагкъласоны.
Бон раздӕр ахуыр райдыдта Тыбылты Александры номыл Хуссар Ирыстоны Паддзахадон университеты.
Зонындзинӕдты боны цытӕн бӕрӕгбонон линейкӕтӕм ӕрбацыдысты скъоладзаутӕ сӕ ныййарджытимӕ, афтӕ ма хицауады минӕвӕрттӕ дӕр. Бӕрӕгбонон мадзӕлтты ӕдасдзинад ӕххӕст кӕнын республикӕйы барадхъахъхъӕнӕг органтӕ.