ЦХИНВАЛ, 24 сен — Sputnik. Дзæуджыхъæуы æртыццæджы фембæлдзысты футболон клубтæ "Алания" æмæ ӔЦСК Уæрæсейы Кубокы фæлгæтты.
Матчмæ билеттæ ауæй сты цалдæр бонмæ. Фембæлд ацæудзæн республикон стадион "Спартак"-ы 18.00 сахатыл.
Уазæг командæ æрцыд Дзæуджыхъæумæ дыццæджы, спортсментыл æмбæлдысты ирон æгъдаумæ гæсгæ, фыссы æфсæддонты клуб Twitter-ы.
ӔЦСК сконды архайдзæн зынгæ ирон футболист Зæгъойты Алан, кæцы травмæйы фæстæ фыццаг хатт рахиздзæн фæзуатмæ. Ирон футболист æфсæддонты сконды хъазы 2008 азæй фæстæмæ, ацы æмгъуыд уый бакодта 75 пурти 342 матчы.