ЦХИНВАЛ, 26 сен - Sputnik. Хуссар Ирыстоны уæлвæткон уавæрты министр булкъон Цоциты Азæмæт хайад райста ДАР горæт Макеевкайы 18-æм зынгсирвæзтон-ирвæзынгæнæн хайад бакæныны цытджын церемонийы. Мадзал ацыд республикæйым УУМ фондз азы сæххæст нысан кæныны фæлгæтты, хъусын кæны хуссарирыстойнаг уагдоны пресс-секретарь Тедеты Роза.
"Ацы хайады хъусдарды бын уыдзысты 20 цæрæн пункты. Службæ дзы кæндзысты 95 адæймаджы, афтæ ма сæрмагонд техникæйы авд иуæджы", - банысан кодтой пресс-службæйы.
Паддзахадон зынгсирвæзтон хайады арæзтад райдыдта 2016 азы июны.
Хуссар Ирыстон 2014 азы банымадта ДАР ӕмӕ ЛАР хӕдбардзинад, республикӕтимӕ фидар ӕрцыдысты дипломатон ахастытӕ. Донецк ӕмӕ Луганскы кусынц Хуссар Ирыстоны минӕварадтӕ, Цхинвалы та — ДАР ӕмӕ ЛАР минӕварадтӕ. Фарон майы Хуссар Ирыстон бафыста ДАР-имӕ хӕлардзинады фӕдыл бадзырд.