ЦХИНВАЛ, 8 июл — Sputnik, Гӕбӕраты Элина. Бындурон ивындзинӕдтӕ ӕрцӕудзӕн Цхинвалы Ӕнусон Арты раз фӕзуатыл Кады Аллейы, фехъусын кодта Sputnik столицӕйы хӕрарӕзтады хайады хистӕр Габуты Инал.
Бындурон ивындзинӕдтӕ: Цхинвалы цалцӕг кӕнынц Кады Аллей
© Sputnik / Наталья Айриян
Уый банысан кодта, куыстыты фыццаг этап кӕй уыдзӕн брусчаткӕ сӕвӕрын.
"Уый фӕстӕ сӕвӕрдзыстӕм уынджы цырӕгътӕ ӕмӕ бордюртӕ. Фӕстаг этап уыдзӕн территорийы зӕлдфӕлындӕн", - загъта Габуты Инал.
Бындурон ивындзинӕдтӕ: Цхинвалы цалцӕг кӕнынц Кады Аллей
© Sputnik / Наталья Айриян
Хуссар Ирыстоны ис бирӕ цыртдзӕвӕнтӕ, кӕцытӕ сарӕзтой Стыр Фыдыбӕстӕйон хӕсты хъайтарты мысӕнӕн. Алкӕцы цӕрӕн пунктты дӕр ис цыртдзӕвӕн, кӕцытӕ нывонд у амӕттаг хъайтартӕн. Уыдонӕй иуыл зындгондӕр – Кады Аллей Мӕскуыйаг уынгыл республикӕйы столицӕйы, уым ис Ӕнусон Арт ӕмӕ йӕ цуры та сквер.