ЦХИНВАЛ, 10 окт — Sputnik. Ирон спортсментӕ рамбылдтой ӕхсӕз майданы ӕппӕтуӕрӕсейон турниры тхэквондойӕ Ессентукты, хъусын кӕны Цӕгат ирыстоны спорты министрады пресс-службӕ.
Турнир "Цӕгат Кавказы Кубокы" призон бынӕттыл тох кодтой 700 спортсмены Уӕрӕсейы Федерацийы субъекттӕй, Казахстан, Сомих ӕмӕ Донецкы Адӕмон Республикӕйӕ.
Ирон спортсментӕ рамбылдтой дыууӕ сыгъзӕрин, иу ӕвзист ӕмӕ ӕртӕ бронзӕйон майданы.
"Сыгъзӕрин майдантӕ рамбылдтой Гусалты Милана ӕмӕ Моргуаты Темырболат. Ӕвзист майдан райста Артур Михайлян. Бронзӕйон майданты хицӕуттӕ баисты Фардзинты Яна, Медойты Милена ӕмӕ Ӕрсойты Анастасия", - дзырдӕуы хъусинаджы.
Спортсменты ерыстӕм бацӕттӕ кодтой Ходты Аслан, Дудиты Марат ӕмӕ Джиоты Марина.