ЦХИНВАЛ, 14 окт - Sputnik. Хуссар Ирыстоны ивгъуыд къуыри ацыд ӕнӕ фыдракӕндтӕй, фехъусын кодта къуырисӕры республикӕйы Мидхъуыддӕгты министрады (МХМ) пресс-службӕйы хистӕр Бестауты Вида.
Йӕ ныхӕстӕм гӕсгӕ 7-ӕй 14-ӕм октябрмӕ республикӕйы барадхъахъхъӕнджытӕ не сбӕрӕг кодтой фыдракӕндтӕ. Фӕлӕ уагдоны банысан кодтой, административон бӕрнмӕ кӕй ӕрбаздӕхтой аст ӕхсӕнадон фӕткхалӕджы.
Уавӕр фӕндӕгтыл
Хуссар Ирыстоны фӕндӕгтыл ивгъуыд къуыри ӕрцыд иу фӕндагон-транспортон цау. МХМ банысан кодтой, зианбаййаджытӕ дзы кӕй нӕй.
Рейдон мадзӕлтты рӕстӕджы Паддзахадон автоинспекцийы кусджытӕ сбӕрӕг кодтой фӕндагон змӕлды 207 фӕткхалды. Авд шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.