ЦХИНВАЛ, 16 окт — Sputnik,Плиты Фатимæ. Хуссар Ирыстоны столицæ дыууæ бонмæ æрфысым кæндзæн Башкираг циркы. Уазæг артисттæ æмæ сырдтæ ралæудзысты нывæзт "Тайна планеты"-имæ, фехъусын кодта Sputnik циркы администратор Валентина Жирина.
"Циркы равдыстты архайджытæ уыдзысты африкæйаг домбай, питон, тути Ара, енот, гæды йæ лæппынтимæ æмæ бæлæттæ. Уымæй дарддæр ма уæлдæфон номыртæ æвдисдзысты гимнасттæ, уыдзæн дзы рухсыты шоу æмæ быдзæу Друляйы ралæудтæ, афтæ ма бирæ æндæр цымыдисон номыртæ" , - загъта Валентина Жирина.
Цирк Цхинвалы уыдзæн 21-22 октябры, къордæн уыдзæн авд равдысты ПККЗ "Чермен"-ы.