ЦХИНВАЛ, 16 окт - Sputnik. Хуссар Ирыстоны Мидхъуыддӕгты министрады (МХМ) сӕргълӕууӕг Наниты Игорь ӕрдомдта йӕ кусджытӕй сфидар кӕнын дисциплинӕ ӕмӕ фӕхуыздӕр кӕнын куыст, хъусын кӕны ӕртыццӕджы уагдоны пресс-службӕ.
Министр ауагъта рабадт МХМ службӕтӕ ӕмӕ хайӕдты разамонджытимӕ, цы ран ӕрныхас кодтой патрулон экипажты куыстыл ӕмӕ рейдон мадзӕлттӕ эффективон кӕй не сты, ууыл.
"Милицийы къордты куысты гъӕдимӕ баст у нӕ ӕмбӕстӕгты сабырад ӕмӕ ӕдасдзинад", - загъта Наниты Игорь.
Рабадты кӕрон уагдоны сӕргълӕууӕг бахӕс кодта службӕтӕ ӕмӕ хайӕдты разамонджытӕн, цӕмӕй ӕркӕсой службӕйон дисциплинӕ сфидар кӕныны фарстмӕ ӕмӕ ма бауадзой законынады фехӕлдтӕ.