ЦХИНВАЛ, 21 окт - Sputnik. Хуссар Ирыстоны президент Бибылты Анатолий схорзӕхджын кодта майданӕй "Фыдыбӕстӕ хъахъхъӕнӕгӕн" 1989-1992 ӕзты хӕстон архӕйдтыты активон хайадисӕг Захарты Ахмӕты, хъусын кӕны къуырисӕры паддзахады сӕргълӕууӕджы пресс-секретарь Гасситы Дина.
Хъайтарӕн хорзӕх радтой хъӕбатырдзинады тыххӕй, кӕцы уый равдыста Хуссар Ирыстоны хӕдбардзинад бахъахъхъӕныны рӕстӕджы.
Захарты Ахмӕт куыд радзырдта, афтӕмӕй Зары фӕндагыл трагикон цауты рӕстӕджы 1992 азы, уый бацыд трагедийы бынатмӕ ӕмӕ сорганизаци кодта мӕрдтӕ ӕмӕ фӕцӕфуӕвджыты ласын горӕтмӕ.
"Мӕ зӕрдӕ фӕрыст цы федтон, уымӕй. Ӕз мӕ сыхагимӕ, кӕцыимӕ ацыдыстӕм трагедийы бынатмӕ, ӕрурӕдтам иу хӕдтулгӕ, цӕмӕй аласӕм фӕцӕфуӕвджыты. Уый фӕстӕ ӕрбацыдысты ӕндӕр адӕм дӕр, кӕцытимӕ мах раластам фӕмардуӕвджыты дӕр", - загъта уый.
Уымӕй дарддӕр Захарты Ахмӕт радзырдта ӕндӕр историтӕ дӕр гуырдзиаг националисттимӕ хӕстон архӕйдтыты тыххӕй.
Бибылты Анатолий радта хъайтарӕн хорзӕх, ӕмӕ йын йӕ цӕст бауарзта фидар ӕнӕниздзинад ӕмӕ хӕрзӕбон.
"Бирӕ ӕзты фӕстӕ хъайтар райста йӕ хорзӕх", - бахахх кодта паддзахады сӕргълӕууӕг.